13724_not-searchable
/teknologi-og-innovasjon/statistikker/inet/arkiv
13724
Raskare breiband i Rogaland og Nord-Trøndelag
statistikk
2007-10-15T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2007

Innhald

Publisert:

Du er inne i ei arkivert publisering.

Gå til den nyaste publiseringa

Raskare breiband i Rogaland og Nord-Trøndelag

Det var 1 368 000 breibandsabonnement ved utgangen av 2. kvartal 2007, 235 000 fleire enn i same periode i 2006. 6 prosent har hastigheit over 8 Mbit/s, og ikkje minst Rogaland og Nord-Trøndelag trekk denne delen opp.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 2. kvartal 2007. Kommunar

Breibandsabonnement fordelt etter marknad. 3. kvartal 2002-2. kvartal 2007

Heile 1 230 000 av breidbandsabonnementa var private abonnement. I bedriftsmarknaden var det 138 000 abonnement. I privatmarknaden var auken på 21 prosent frå 2. kvartal 2006, medan auken i bedriftsmarknaden var på 19 prosent frå førre året. Desse tala tyder på at utviklinga med veikare vekst i mengda breibandsabonnement held fram.

Fleire raske breiband i Rogaland og Nord-Trøndelag

Delen av breibandsabonnementa som har ein hastigheit over 8 Mbit/s, har gått opp siste kvartalet frå 4 til 6 prosent. Det er særleg Rogaland og Nord-Trøndelag, som begge har 27 prosent med slik hastigheit, som trekk delen opp.

Flest breibandsabonnement i høve til hushald i Rogaland

Tala frå einskilde kjelder inneheldt ein del feil for dei to føregåande kvartala. Det gjeld særleg for nokre føretak som har rapportert dei same abonnentane i Agder-fylka to gonger. Tala for Agder-fylka, og for fleire av kommunane der, vert derfor kraftig nedjustert denne gongen. Dermed er Rogaland fylket med flest breibandsabonnement i høve til hushalda, no med 65 prosent. Finnmark er stadig fylket med færrast breibandsabonnement, no det einaste med under 50 prosent.

Private breibandsabonnement fordelt etter kommunane sin sentralitetskode. 2. kvartal 2007
Sentralitet1 Breibandsabonnement Breibandsabonnement i
prosent av hushalda
Minst sentrale kommunar  127 023 49
Mindre sentrale kommunar 79 368 56
Noko sentrale kommunar  292 069 57
Sentrale kommunar  731 003 63
1  Standard for kommuneklassifisering (NOS C 192).

Sentrale kommunar med den høgaste delen breibandsabonnement

Deler ein inn kommunane etter SSB sin Standard for kommuneklassifisering, ser ein at dei sentrale kommunane har høgast del breibandsabonnement i høve til hushalda med 63 prosent. Til samanlikning er det 49 prosent i dei minst sentrale kommunane som har breiband.

Berre Lierne kommune i Nord-Trøndelag og Kvænangen i Troms har færre enn 20 private breibandsabonnement per 100 hushald. For eit år sidan var 17 kommunar i same stilling. Talet på kommunar med mellom 20 og 35 slike abonnement per 100 hushald er no 24 mot 131 kommunar i 2. kvartal 2006.

Det er 14 kommunar kor det er meir enn 70 prosent breibandsabonnement i høve til hushalda. Tre av desse ligg i Rogaland. Dei andre kommunane finn vi i Hordaland, Akershus, Møre og Romsdal, Aust-Agder, Vestfold, Nord-Trøndelag og Sør-Trøndelag.

Kommunar med flest private breibandsabonnement ved utgangen av 2. kvartal 2007 i høve til hushalda
Kommunar Breibandsabonnement i
prosent av husholda
Landsgjennomsnitt 59,6
1252 Modalen 93,4
0941 Bykle 87,7
1121 Time 81,5
1729 Inderøy 77,8
1563 Sunndal 76,1
0228 Rælingen 74,7
1742 Grong 73,0
1221 Stord 72,5
1663 Malvik 71,2
1103 Stavanger 71,0
1122 Gjesdal 71,0
0213 Ski 70,5
0233 Nittedal 70,4
0706 Sandefjord 70,4
1124 Sola 69,9
1702 Steinkjer 69,8
1804 Bodø 69,8
1232 Eidfjord 69,6
1556 Frei 69,4
0217 Oppegård 68,7
1719 Levanger 68,5
1714 Stjørdal 68,3
1102 Sandnes 68,1
1601 Trondheim 68,0

Nokre få leverandørar manglar

Det manglar framleis nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på gjer det noko komplisert å få dei med i undersøkinga. Arbeidet med å gjera statistikken fullt ut dekkjande held fram. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar. Talet på hushald for 2007 er brukt for denne statistikken.

Abonnement

Både privatpersonar og bedrifter kan teikne fleire Internett-abonnement, likeins kan fleire privatpersonar bruke eit abonnement. Talet på abonnement er difor ikkje det same som talet på hushald/bedrifter med Internett-tilgang. Til dømes kan hushalda få Internett-tilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå undersøkinga " IKT i husholdningene ", for tal på hushald med breibandstilgang.

For meir informasjon sjå i ”Om statistikken”.

Tabeller: