Landbruksundersøkinga, 2003, endelege tal

Av den totale arbeidsinnsatsen på 142 millionar timeverk, blei 131 millionar utførte i jord- og hagebruk, 4,5 millionar i skogbruk og 6,3 millionar i tilleggsnæringar. Tilleggsnæringar er aktivitetar som utnytter areal, bygningar eller maskiner tilhøyrande jordbruksbedrifta. Arbeidsinnsats på skogeigedomar som ikkje driv jordbruk, er ikkje rekna med her.

Frå 1998/99 til 2002/03 gjekk samla arbeidsinnsats ned med 23 millionar timeverk. Dette tilsvarar ein reduksjon i talet på årsverk frå 88 500 til 77 100. Statistikken over total arbeidsinnsats for 2000/01 er korrigert til 153 millionar timeverk, tilsvarande 82 100 årsverk.

Om lag halvparten av jordbruksbedriftene hadde eit arbeidsforbruk i jord- og hagebruk på eitt årsverk eller meir, medan vel ein fjerdepart hadde mindre enn eit halvt årsverk.

Talet på jordbruksbedrifter

Talet på jordbruksbedrifter har gått ned frå 70 700 i 1999 til 55 700 i 2004. Dette tilsvarar ein nedgang på 3 000 einingar per år, og det er blant einingar med lite jordbruksareal at nedgangen er størst.

Tabeller:

• Tabell 1 Arbeidsinnsats i jord- og hagebruk, skogbruk og andre tilleggsnæringar på driftseininga, etter fylke. 1 000 timar
• Tabell 2 Jordbruksbedrifter. 1969, 1979, 1989, 1999-2004*
• Tabell 3 Jordbruksbedrifter, prosentvis fordelt etter årsverk i jordbruk, hagebruk og fylke