Innhald
Publisert:
Du er inne i ei arkivert publisering.
Nedgang i lastebilkostnadene
Totalkostnadsindeksen for lastebiltransport gjekk ned 0,3 prosent frå januar til februar 2014. Men dei siste tolv månadene har dei totale kostnadene gått opp 2,8 prosent.
Indeks | Prosent | |||
---|---|---|---|---|
Januar 2014 - Februar 2014 | Februar 2013 - Februar 2014 | Februar 2009 - Februar 2014 | ||
Februar 2014 | ||||
Totalindeks | 116,9 | -0,3 | 2,8 | 17,3 |
Totalindeks, unntatt ferge- og bomkostnader | 116,5 | -0,3 | 2,7 | 16,9 |
Nedgang i lønnskostnader, administrasjonskostnader, kapitalkostnader samt dieselkostnader førte til lågare lastebilkostnader i februar 2014. Lønnsindeksen gjekk ned 0,4 prosent den siste månaden. Frå februar 2013 til februar 2014 har lønnsindeksen derimot stige med 3,0 prosent.
Auka dekkprisar
Dekkindeksen gjekk opp 0,8 prosent frå januar til februar 2014 etter prisjusteringar hos nokre leverandørar. Dei siste tolv månadene har dekkindeksen stige 6,4 prosent.
Nedgang i kapitalkostnadene
Kapitalkostnadsindeksen gjekk ned 0,8 prosent den siste månaden. Frå februar 2013 til februar 2014 gjekk kapitalkostnadsindeksen likevel opp 2,9 prosent.
Høgare reparasjons- og servicekostnader
Delindeksen for reparasjons- og servicekostnader har stige med 0,5 prosent den siste månaden. Dei siste tolv månadene gjekk reparasjons- og servicekostnadene opp 3,5 prosent.
Reduserte dieselprisar
Prisutviklinga på diesel førte til at drivstoffindeksen gjekk ned 0,4 prosent frå januar til februar 2014. Dei siste tolv månadene har drivstoffindeksen derimot auka med 1,8 prosent.
Lågare administrasjonskostnader
Administrasjonskostnadene gjekk ned 0,3 prosent den siste månaden. Men dei siste tolv månadene gjekk administrasjonskostnadene opp 2,6 prosent.
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83