Innhald
Publisert:
Du er inne i ei arkivert publisering.
Kostnadsauke for lastebiltransport
Totalkostnadsindeksen for lastebiltransport steig 0,5 prosent frå desember 2013 til januar 2014. Dei siste tolv månadene har dei totale kostnadene gått opp 4,0 prosent.
Indeks | Prosent | |||
---|---|---|---|---|
Desember 2013 - Januar 2014 | Januar 2013 - Januar 2014 | Januar 2009 - Januar 2014 | ||
Januar 2014 | ||||
Totalindeks | 117,3 | 0,5 | 4,0 | 17,3 |
Totalindeks, unntatt ferge- og bomkostnader | 116,9 | 0,4 | 3,5 | 16,9 |
Ferje- og bomkostnadene gjekk opp 3,6 prosent den siste månaden. Frå januar 2013 til januar 2014 har denne delindeksen stige med 23,4 prosent.
Auka dieselprisar
Prisutviklinga på diesel førte til at drivstoffindeksen gjekk opp 1,1 prosent frå desember 2013 til januar 2014. Dei siste tolv månadene har drivstoffindeksen auka med 3,6 prosent.
Høgare reparasjons- og servicekostnader
Delindeksen for reparasjons- og servicekostnader auka med 0,9 prosent den siste månaden. Dei siste tolv månedene har reparasjons- og servicekostnadene stige 3,0 prosent.
Høgare dekkprisar
Dekkindeksen gjekk opp 0,6 prosent frå desember 2013 til januar 2014 etter prisjusteringar hos nokre leverandørar. Dei siste tolv månadene har dekkindeksen auka med 5,6 prosent.
Stigande kapitalkostnader
Kapitalkostnadsindeksen gjekk opp 0,5 prosent frå desember 2013 til januar 2014. I løpet av det siste året gjekk kapitalkostnadsindeksen opp 2,8 prosent.
Høgare administrasjonskostnader
Administrasjonskostnadene auka 0,3 prosent den siste månaden. Frå januar 2013 til januar 2014 har administrasjonskostnadene stige med 3,5 prosent.
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83