Innhald
Publisert:
Du er inne i ei arkivert publisering.
Auka dieselprisar drog kostnadene opp
Totalkostnadsindeksen for lastebiltransport gjekk opp med 0,6 prosent frå desember 2011 til januar 2012. Årsaka er prisauke på diesel og høgare reparasjons- og servicekostnader. Dei siste tolv månadene har dei totale kostnadene auka med 3,9 prosent.
Prisutviklinga på diesel førte til at drivstoffindeksen gjekk opp 2,6 prosent frå desember 2011 til januar 2012. Drivstoffindeksen har stige med 6,1 prosent dei siste tolv månadene.
Auka reparasjons- og servicekostnader
Delindeksen for reparasjons- og servicekostnader gjekk opp 1,1 prosent frå desember 2011 til januar 2012. Dei siste tolv månadene har delindeksen auka med 3,9 prosent.
Nedgang i forsikringspremiane
Forsikringsindeksen gjekk ned 2,9 prosent den siste månaden. Dei siste tolv månadene har forsikringspremiane gått ned med 2,3 prosent.
Nedgang i dekkindeksen
Dekkindeksen gjekk ned 0,9 prosent den siste månaden. Frå januar 2011 til januar 2012 har dekkindeksen auka med 9,3 prosent.
Auke i administrasjonskostnadene
Administrasjonskostnadene auka med 0,3 prosent frå desember 2011 til januar 2012. Dei siste tolv månadene har kostnadene stige med 2,7 prosent.
Auke i ferje- og bomkostnadene
Delindeksen for ferjekostnader og bompenger auka med 0,3 prosent den siste månaden. Dei siste tolv månadene har denne indeksen stige med 0,5 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83