Innhald
Publisert:
Du er inne i ei arkivert publisering.
Lita endring i lastebilkostnadene
Kostnadsindeksen for lastebiltransport auka med 0,1 prosent frå november til desember 2011, hovudsakleg på grunn av auka kapitalkostnader og høgare prisar på forsikring. Dei siste tolv månadene har dei totale kostnadene gått opp med 4,0 prosent.
Kapitalkostnadsindeksen gjekk opp 1,1 prosent frå november til desember 2011. Frå desember 2010 til desember 2011 har kapitalkostnadene auka med 4,9 prosent.
Auka forsikringspremiar
Forsikringsindeksen gjekk opp 0,6 prosent frå november til desember 2011. Dei siste tolv månadene har forsikringspremiane auka med 3,5 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned 0,4 prosent frå november til desember 2011. Drivstoffindeksen har stige med 4,3 prosent frå desember 2010 til desember 2011.
Svak auke i administrasjonskostnadene
Administrasjonskostnadene auka 0,1 prosent den siste månaden. Dei siste tolv månadene har dei totale kostnadene auka med 2,8 prosent.
Auka reparasjons- og servicekostnader
Delindeksen for reparasjons- og servicekostnader gjekk opp 0,1 prosent frå november til desember 2011. Dei siste tolv månadene har delindeksen auka med 3,7 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83