Innhald
Publisert:
Du er inne i ei arkivert publisering.
Auka dieselprisar drog kostnadene opp
Kostnadsindeksen for lastebiltransport auka med 1,0 prosent frå juli til august 2012, hovudsakleg på grunn av auke i prisen på diesel. Dei siste tolv månadene har dei totale kostnadene gått opp 1,9 prosent.
Prisutviklinga på diesel førte til at drivstoffindeksen gjekk opp 3,0 prosent frå juli til august 2012. Drivstoffindeksen har stige med 0,4 prosent dei siste tolv månadene.
Høgare reparasjons- og servicekostnader
Delindeksen for reparasjons- og servicekostnader auka med 0,7 prosent den siste månaden. Dei siste tolv månadene har delindeksen auka 4,2 prosent.
Auke i løn og sosiale kostnader
Lønsindeksen har stige med 0,6 prosent frå juli til august 2012. Dei siste tolv månadene har dei totale kostnadene stige med 3,6 prosent.
Auka kapitalkostnader
Kapitalkostnadsindeksen auka med 0,4 prosent den siste månaden. Kapitalindeksen var uendra frå august 2011 til august 2012.
Høgare administrasjonskostnader
Administrasjonskostnadene gjekk opp 0,3 prosent frå juli til august 2012. Dei siste tolv månadene har dei totale kostnadene stige med 2,3 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83