Innhald
Publisert:
Du er inne i ei arkivert publisering.
Billegare diesel, medan andre kostnader steig
Dieselprisen gjekk ned 2,8 prosent frå april til mai 2012. Samtidig auka kostnadene for løn og sosiale kostnader, samt kapital, administrasjon og reparasjon.
Kostnadsindeksen for lastebiltransport var uendra den siste månaden. Dei siste tolv månadene gjekk dei totale kostnadene opp 2,4 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned 2,8 prosent frå april til mai 2012. Dei siste tolv månadene har drivstoffindeksen stige med 1,0 prosent.
Auke i løn og sosiale kostnader
Lønsindeksen auka 1,2 prosent frå april til mai i år. Dei siste tolv månadene har lønsveksten for ansatte innanfor lastebiltransport vore på 3,8 prosent.
Auka kapitalkostnader
Kapitalkostnadsindeksen gjekk opp 1,1 prosent den siste månaden. Frå mai 2011 til mai 2012 har indeksen auka med 1,5 prosent.
Høgare administrasjonskostnader
Administrasjonskostnadene gjekk opp 0,7 prosent den siste månaden. Frå mai 2011 til mai 2012 har delindeksen auka med 2,6 prosent.
Auka reparasjons- og servicekostnader
Delindeksen for reparasjons- og servicekostnader auka 0,1 prosent den siste månaden. Dei siste tolv månadene har delindeksen auka med 3,6 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83