Innhald
Publisert:
Du er inne i ei arkivert publisering.
Kostnadsauke for lastebiltransport
Kostnadsindeksen for lastebiltransport auka med 0,2 prosent frå september til oktober 2011. Dei siste tolv månadene gjekk dei totale kostnadene opp 5,4 prosent.
Prisutviklinga på diesel førte til at drivstoffindeksen gjekk opp 0,5 prosent frå september til oktober. Drivstoffindeksen har stige med 9,9 prosent det siste året.
Høgare prisar på dekk
Dekkindeksen har stige med 0,5 prosent frå september til oktober etter prisjusteringar hos nokre leverandørar. Frå oktober 2010 til oktober 2011 har dekkindeksen stige med 10,3 prosent.
Auka reparasjons- og servicekostnader
Delindeksen for reparasjons- og servicekostnader auka med 0,4 prosent frå september til oktober. Dei siste tolv månadene har dei totale kostnadene auka med 4 prosent.
Liten nedgang i ferje- og bomkostnadene
Delindeksen for ferje- og bomkostnader gjekk ned 0,2 prosent frå september til oktober. Frå oktober 2010 til oktober 2011 steig delindeksen med 4,3 prosent.
Svak auke i kapitalkostnadene
Kapitalkostnadsindeksen auka 0,1 prosent den siste månaden. Det siste året har dei totale kostnadene auka med 2,8 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83