Innhald
Publisert:
Du er inne i ei arkivert publisering.
Nedgang i lastebilkostnadene
Lastebilkostnadene gjekk ned 0,3 prosent frå august til september 2011. Dette kjem av lågare kapitalkostnader og nedgang i prisen på diesel. Dei siste tolv månadene gjekk dei totale kostnadene opp 5,5 prosent.
Kapitalkostnadsindeksen gjekk ned 1,3 prosent frå august til september 2011. Det siste året har dei totale kostnadene gått opp 1,7 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned 1,0 prosent frå august til september. Drivstoffindeksen har stige med 11,5 prosent det siste året.
Høgare prisar på dekk
Dekkindeksen har stige med 1,8 prosent den siste månaden etter prisjusteringar hos nokre leverandørar. Frå september 2010 til september 2011 har dekkindeksen stige med 10,3 prosent.
Auka reparasjons- og servicekostnader
Delindeksen for reparasjons- og servicekostnader auka 0,6 prosent frå august til september. Dei siste tolv månadene har delindeksen auka med 3,8 prosent.
Svak auke i administrasjonskostnadene
Administrasjonskostnadene gjekk opp 0,1 prosent den siste månaden. Det siste året har delindeksen auka med 3,5 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83