Kostnadsindeks for vare- og lastebiltransport, 2.666666666666666667. kvartal 2011

Kostnadsindeksen for lastebiltransport har stige med 0,3 prosent frå juli. Dei siste tolv månadene gjekk dei totale kostnadene opp 5,7 prosent.

Nedgang i dieselprisen

Prisutviklinga på diesel førte til at drivstoffindeksen gjekk ned 1,0 prosent frå juli til august 2011. Drivstoffindeksen har stige med 13,1 prosent det siste året.

Auke i løn og sosiale kostnader

Lønsindeksen har stige med 0,8 prosent frå juli til august. Dei siste tolv månadene har lønsveksten for dei tilsette innan lastebiltransport vore på 4,1 prosent.

Auka kapitalkostnader

Kapitalkostnadsindeksen gjekk opp 0,8 prosent den siste månaden. Det siste året har denne indeksen auka med 2 prosent.

Høgare prisar på dekk

Dekkindeksen har stige med 0,6 prosent frå juli til august etter prisjusteringar hos nokre leverandørar. Frå august 2010 til august 2011 har dekkindeksen stige med 9,1 prosent.

Auka reparasjons- og servicekostnader

Delindeksen for reparasjons- og servicekostnader auka med 0,5 prosent den siste månaden. Dei siste tolv månadene har delindeksen auka med 3,5 prosent.

Høgare administrasjonskostnader

Administrasjonskostnadene gjekk opp 0,5 prosent den siste månaden. Frå august 2010 til august 2011 har delindeksen auka med 3,4 prosent.

Tabeller:

• Tabell 1 Totalkostnadsindeksar for lastebiltransport. Januar 2009=100
• Tabell 2 Totalkostnadsindeksar for lastebiltransport utan ferje- og bomkostnader. Januar 2009=100