Innhald
Publisert:
Du er inne i ei arkivert publisering.
Billegare diesel - andre kostnader steig
Dieselprisen gjekk ned med 2,5 prosent frå april til mai 2011. Samtidig auka kostnadene for dekk, løn og sosiale kostnader, kapital samt administrasjon.
Totalkostnadsindeksen for lastebiltransport har stige med 0,1 prosent frå april til mai 2011. Frå mai 2010 til mai 2011 totalkostnadene stige med 5,3 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned 2,5 prosent frå april til mai 2011. Drivstoffindeksen har stige med 10,8 prosent det siste året.
Høgare prisar på dekk
Dekkindeksen har stige med 3,1 prosent frå april til mai etter prisjusteringar hos nokre leverandørar. Frå mai 2010 til mai 2011 har dekkindeksen stige med 10,6 prosent.
Auka kapitalkostnader
Kapitalkostnadsindeksen gjekk opp 0,9 prosent den siste månaden. Frå mai 2010 til mai 2011 har denne indeksen auka med 1,3 prosent.
Auke i løn og sosiale kostnader
Lønsindeksen har stige med 0,9 prosent frå april til mai. Dei siste tolv månadene til og med mai har lønsveksten for dei tilsette innanfor lastebiltransport vore på 4,5 prosent.
Høgare administrasjonskostnader
Administrasjonskostnadene gjekk opp 0,7 prosent den siste månaden. Frå mai 2010 til mai i år har denne delindeksen auka med 3,6 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83