Innhald
Publisert:
Du er inne i ei arkivert publisering.
Auka lastebilkostnader i januar
Totalkostnadsindeksen for lastebiltransport auka med 0,7 prosent frå desember 2010 til januar 2011. Dei siste tolv månadene gjekk totalkostnadene opp 4,9 prosent.
Delindeksen for ferjekostnader og bompengar steig 4,2 prosent den siste månaden på grunn av takstendringar ved årsskiftet. Det siste året har indeksen stige med 4,2 prosent.
Høgare forsikringspremiar
Forsikringsindeksen gjekk opp med 2,8 prosent frå desember 2010 til januar 2011. Dei siste tolv månadene har forsikringspremiane auka med 4,9 prosent.
Dyrare diesel
Prisutviklinga på diesel førte til at drivstoffindeksen gjekk opp med 0,9 prosent den siste månaden. Frå januar 2010 til januar 2011 har drivstoffindeksen stige med 11,1 prosent.
Høgare reparasjons- og servicekostnader
Delindeksen for reparasjons- og servicekostnader auka med 0,9 prosent den siste månaden etter prisjusteringar hos nokre leverandørar. Dei siste tolv månadene har delindeksen stige 4,1 prosent.
Auka kapitalkostnader
Kapitalkostnadsindeksen gjekk opp 1,0 prosent frå desember 2010 til januar 2011. Dei siste tolv månadene har indeksen auka med 1,7 prosent.
Høgare administrasjonskostnader
Administrasjonskostnadene auka 0,4 prosent den siste månaden. Det siste året har delindeksen stige med 2,8 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83