Innhald
Publisert:
Du er inne i ei arkivert publisering.
Kostnadsauke for lastebiltransport
Totalkostnadsindeksen for lastebiltransport auka med 1,1 prosent frå oktober til november 2010. Dei siste tolv månadene gjekk totalkostnadene opp 3,9 prosent.
Prisutviklinga på diesel førte til at drivstoffindeksen gjekk opp med 2,4 prosent den siste månaden. Denne delindeksen har auka med 9,8 prosent det siste året.
Høgare forsikringspremiar
Forsikringsindeksen gjekk opp med 2,0 prosent frå oktober til november 2010. Det siste året har forsikringspremiane auka med 5,7 prosent.
Auke i løn og sosiale kostnader
Lønsindeksen har stige med 1,3 prosent den siste månaden. Dei siste tolv månadene har lønsveksten for dei tilsette innanfor lastebiltransport vore på 3,4 prosent.
Høgare administrasjonskostnader
Administrasjonskostnadene gjekk opp 0,9 prosent frå oktober til november 2010. Det siste året har denne delindeksen auka med 2,6 prosent.
Lågare kapitalkostnader
Kapitalkostnadsindeksen fall med 0,4 prosent den siste månaden. Dei siste tolv månadene har denne indeksen gått ned 0,8 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83