Innhald
Publisert:
Du er inne i ei arkivert publisering.
Auka dieselpris gjev dyrare vegtransport
Totalkostnadsindeksen for lastebiltransport auka med 0,3 prosent frå september til oktober 2010. Den viktigaste grunnen er høgare prisar på diesel og høgare dekkostnader. Dei siste tolv månadene har totalkostnadene stige med 3,4 prosent.
Prisutviklinga på diesel førte til at drivstoffindeksen gjekk opp med 2,0 prosent den siste månaden. Denne delindeksen har auka med 11,8 prosent det siste året.
Lågare kapitalkostnader
Kapitalkostnadsindeksen fall med 1,0 prosent frå september til oktober. Det siste året har denne delindeksen gått ned 1,4 prosent.
Auke i dekkprisane
Dekkindeksen gjekk opp med 0,6 prosent den siste månaden etter prisjusteringar hos nokre leverandørar. Denne delindeksen har stige med 3,4 prosent frå oktober 2009 til oktober 2010.
Høgare reparasjons- og servicekostnader
Delindeksen for reparasjons- og servicekostnader auka med 0,2 prosent frå september til oktober. Dei siste tolv månadene har denne delindeksen stige med 2,9 prosent.
Lågare administrasjonskostnader
Administrasjonskostnadene gjekk ned 0,2 prosent den siste månaden. Dei siste tolv månadene har denne delindeksen auka med 1,5 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83