Innhald
Publisert:
Du er inne i ei arkivert publisering.
Billegare diesel - men andre kostnader steig
Dieselprisen gjekk ned med 0,7 prosent frå juni til juli 2010, men samtidig gjekk kostnadene for kapital, reparasjon og administrasjon opp.
Totalkostnadsindeksen for lastebiltransport gjekk opp med 0,1 prosent den siste månaden. Dei siste tolv månadene har totalkostnadene stige 3,3 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned med 0,7 prosent frå juni til juli. Det siste året har denne delindeksen auka med 8,4 prosent.
Auka kapitalkostnader
Kapitalkostnadsindeksen gjekk opp med 1,3 prosent den siste månaden. Det siste året har denne delindeksen auka med 2,0 prosent.
Høgare reparasjons- og servicekostnader
Delindeksen for reparasjons- og servicekostnader har stige med 0,2 prosent frå juni til juli etter prisjusteringar hos nokre leverandørar. Dei siste tolv månadene har denne delindeksen gått opp 2,5 prosent.
Auka administrasjonskostnader
Administrasjonskostnadene auka med 0,2 prosent den siste månaden. Frå juli 2009 til juli 2010 har denne delindeksen stige med 1,8 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83