Innhald
Publisert:
Du er inne i ei arkivert publisering.
Billegare diesel - men andre kostnader steig
Dieselprisen gjekk ned med 0,4 prosent frå mai til juni 2010, men samtidig gjekk kostnadene for kapital, dekk og reparasjon opp.
Totalkostnadsindeksen for lastebiltransport gjekk opp med 0,2 prosent frå mai til juni. Frå juni 2009 til juni 2010 har totalkostnadene stige 3,6 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned med 0,4 prosent den siste månaden. Det siste året har denne delindeksen auka med 9,2 prosent.
Auka kapitalkostnader
Kapitalkostnadsindeksen auka med 1,2 prosent frå mai til juni 2010. Det siste året har denne delindeksen gått opp 2,8 prosent.
Stigande prisar på dekk
Dekkindeksen gjekk opp med 1,1 prosent i juni etter prisjusteringar hos nokre leverandørar. Frå juni 2009 til juni 2010 har denne delindeksen auka med 1,3 prosent.
Høgare reparasjons- og servicekostnader
Delindeksen for reparasjons- og servicekostnader har stige med 0,5 prosent frå mai til juni. Dei siste tolv månadene har denne delindeksen stige 2,3 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83