Innhald
Publisert:
Du er inne i ei arkivert publisering.
Kostnadsauke for lastebiltransport
Totalkostnadsindeksen for lastebiltransport gjekk opp med 0,7 prosent frå april til mai 2010. Dei viktigaste grunnane er auka kapitalkostnader og høgare prisar på dekk. Dei siste tolv månadene har totalkostnadene stige med 3,7 prosent.
Kapitalkostnadsindeksen for lastebiltransport auka med 2,9 prosent den siste månaden. Det siste året har kapitalkostnadsindeksen gått ned 0,1 prosent.
Prisauke på dekk
Dekkindeksen gjekk opp med 1,0 prosent den siste månaden etter prisjusteringar hos nokre leverandørar. Frå mai 2009 til mai 2010 har denne delindeksen falle 0,9 prosent.
Høgare reparasjons- og servicekostnader
Delindeksen for reparasjons- og servicekostnader auka med 0,5 prosent frå april til mai. Dei siste tolv månadene har denne delindeksen stige med 4,6 prosent.
Svak auke i dieselprisen
Prisutviklinga på diesel førte til at drivstoffindeksen gjekk opp med 0,2 prosent den siste månaden. Det siste året har denne delindeksen auka med 11,6 prosent.
Auke i løn og sosiale kostnader
Lønsindeksen har stige med 0,2 prosent frå april til mai. Det siste året har lønsveksten for tilsette innanfor lastebiltransport vore på 1,6 prosent.
Om drivstoffindeksenDrivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83