15066_not-searchable
/transport-og-reiseliv/statistikker/kilt/arkiv
15066
Nedgang i dieselprisen
statistikk
2009-11-16T10:00:00.000Z
Transport og reiseliv
no
kilt, Kostnadsindeks for vare- og lastebiltransport, lastebiltypar, drivstoffkostnader, dekkprisar, forsikringskostnader, ferjekostnader, bompengarLandtransport, Transport og reiseliv
false

Kostnadsindeks for vare- og lastebiltransport, 3.333333333333333333. kvartal 2009

Innhald

Publisert:

Du er inne i ei arkivert publisering.

Gå til den nyaste publiseringa

Nedgang i dieselprisen

Lastebilkostnadene gjekk i snitt ned 0,6 prosent frå september til oktober 2009. Dei viktigaste årsakene er nedgang i prisen på diesel og lågare kapitalkostnader. Dei siste tolv månadene har totalkostnadene stige 0,2 prosent.

Kostnadsindeks for lastebiltransport. Prosentvis endring frå same månaden året før

Prisutviklinga på diesel førte til at drivstoffindeksen gjekk ned 2,5 prosent frå september til oktober. Det siste året har denne delindeksen falle med over 14 prosent.

Lågare kapitalkostnader

Kapitalkostnadsindeksen fall med 0,4 prosent den siste månaden. Dette kjem som følgje av ein nedgang i det inflasjonsjusterte rentenivået som ligg til grunn for rentekostnaden i denne indeksen. Det siste året har kapitalkostnadsindeksen, som er samansett av avskrivingar, rentekostnader og vektårsavgifter/årsavgift, gått ned 5,6 prosent.

Om drivstoffindeksen

Drivstoffindeksen byggjer på faktiske pumpeprisar henta frå forhandlarar over heile landet kvar månad. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane.

Tabeller: