Kostnadsindeks for vare- og lastebiltransport, 2.666666666666666667. kvartal 2008

Prisutviklinga på råolje førte til at drivstoffindeksen fall med 5,7 prosent den siste månaden. Det siste året har denne delindeksen likevel auka med heile 24,7 prosent. Drivstoffindeksen er basert på faktiske pumpeprisar innhenta frå forhandlarar over heile landet kvar månad.

Høgare kapitalkostnader

Kapitalkostnadsindeksen gjekk opp med 0,4 prosent frå juli til august, som følgje av ein auke i det inflasjonsjusterte rentenivået som ligg til grunn for rentekostnaden i denne indeksen. Det siste året har denne indeksen, som er samansett av avskrivingar, rentekostnader og vektårsavgifter/årsavgifter, stige med 5,1 prosent.

Prisstigning på dekk

Dekkindeksen gjekk opp med 0,4 prosent i løpet av den siste månaden etter prisjusteringar hos einskilte leverandørar. Det siste året har denne delindeksen auka med 4,0 prosent.

Auke i løn og sosiale kostnader

Lønsindeksen steig 0,4 prosent den siste månaden. Det siste året har lønsveksten for tilsette innanfor lastebiltransport vore 4,0 prosent.

Frå og med juni 2008 følgjer delindeksen for løn og sosiale kostnader utviklinga i ein ny arbeidskraftskostnadsindeks for tilsette i føretak som driv med godstransport på veg. Meir informasjon om den nye indeksen for arbeidskraftskostnader finn du i ” Om statistikken ”.

Auka administrasjonskostnader

Administrasjonskostnadene auka med 0,2 prosent frå juli til august. Dei siste tolv månadene har denne delindeksen stige med 3,1 prosent.

Tabeller:

• Tabell 1 Totalkostnadsindeksar for lastebiltransport. Januar 1998=100