Innhald
Publisert:
Du er inne i ei arkivert publisering.
Kraftig prisauke på diesel
Totalkostnadsindeksen for lastebiltransport auka med 1,8 prosent frå april til mai 2008, hovudsakleg på grunn av kraftig prisauke på diesel og auka kapitalkostnader. Dei siste tolv månadene har totalkostnadene stige med 9,9 prosent.
Prisutviklinga på råolje førte til at drivstoffindeksen gjekk opp med 6,9 prosent den siste månaden. Det siste året har denne delindeksen auka med 30,2 prosent.
Drivstoffindeksen er basert på faktiske pumpeprisar innhenta frå forhandlarar over heile landet kvar månad.
Auka kapitalkostnader
Kapitalkostnadsindeksen har stige med 1,9 prosent frå april til mai 2008. Det siste året har denne indeksen, som er samansett av avskrivingar, rentekostnader og vektårsavgifter/årsavgift, stige med 9,3 prosent.
Prisstigning på dekk
Dekkindeksen auka med 0,5 prosent i løpet av den siste månaden, etter prisjusteringar hos nokre leverandørar. Frå mai 2007 til mai 2008 har denne delindeksen auka med 2,6 prosent.
Auke i løn og sosiale kostnader
Delindeksen for løn og sosiale kostnader gjekk opp med 0,4 prosent frå april til mai 2008. I løpet av det siste året har denne delindeksen stige med 5,7 prosent.
Dei andre delkostnadsindeksane har endra seg lite den siste månaden.
|
Statistisk sentralbyrå (SSB) produserer no to indeksar for godstransport på veg. Indeksane i denne meldinga måler utviklinga i dei viktigaste kostnadskomponentane for ti ulike kjøretøygrupper. Den nye kvartalsvise produsentprisindeksen til SSB måler utviklinga i fakturert pris på transporttenester ekskl. mva. For fleire detaljar, sjå: Godstransport på veg, prisindeks |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83