Innhald
Publisert:
Du er inne i ei arkivert publisering.
Framleis dyrare lastebiltransport
Totalkostnadsindeksen for lastebiltransport auka med 1,2 prosent frå juli 2007 til august 2007. Gjennom eit år gjekk totalkostnadene opp med 3,8 prosent.
Auke i løn og sosiale kostnader
Løn og sosiale kostnader auka med 2,1 prosent den siste månaden. Det siste året har veksten i lønene for tilsette innanfor lastebiltransport vore 5,2 prosent.
Høgare administrasjonskostnader
Administrasjonskostnadene gjekk opp 1,2 prosent frå juli til august. Dei siste tolv månadene auka administrasjonskostnadene 3,5 prosent.
Auka kapitalkostnader
Kapitalkostnader gjekk opp 1,1 prosent den siste månaden. Det siste året har denne indeksen, som er samansett av avskrivingar, rentekostnader og vektårsavgift/årsavgift, auka 8,0 prosent.
Rentekostnaden er basert på konsumprisindeksen og tremånadleg NIBOR-rente frå Noregs Bank og kan difor avvike noko frå den gjennomsnittlege utlånsrenta til bankane.
Dyrare drivstoff
Drivstoffindeksen er basert på faktiske pumpeprisar, innhenta frå forhandlarar over heile landet den 15. i kvar månad. Den siste månaden gjekk denne opp med 0,6 prosent. Det siste året har denne delindeksen gått ned med 0,4 prosent.
Dei andre delkostnadsindeksane viser lita eller inga endring den siste månaden.
Statistisk sentralbyrå (SSB) produserar no to indeksar for godstransport på veg. Indeksane i denne meldinga måler utviklinga i dei viktigaste kostnadskomponentane for ti ulike kjøretøygrupper. Den nye kvartalsvise produsentprisindeksen til SSB måler utviklinga i fakturert pris på transporttenester ekskl. mva. For fleire detaljar, sjå: http://www.ssb.no/emner/08/02/20/gvpi/ |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83