Innhald
Publisert:
Du er inne i ei arkivert publisering.
Framleis kostnadsvekst for lastebiltransport
Lastebilkostnadene auka med 0,7 prosent frå mai til juni, hovudsakleg på grunn av dyrare diesel og auka kapitalkostnader. Dei samla lastebilkostnadene har stige med 3,5 prosent det siste året.
Drivstoffindeksen, basert på faktiske pumpeprisar innhenta frå forhandlarar over heile landet den 15. i kvar månad, gjekk opp med 2,7 prosent frå mai til juni. Dei siste tolv månadene har denne delindeksen gått ned 1,4 prosent.
Auka kapitalkostnader
Kapitalkostnadsindeksen har stige med 1,3 prosent frå mai til juni. Det siste året har denne indeksen, som er samansett av avskrivingar, rentekostnader og vektårsavgifter/årsavgift, stige 8,2 prosent.
Rentekostnaden er basert på konsumprisindeksen og tremånadleg NIBOR-rente frå Noregs Bank, og kan difor avvike noko frå den gjennomsnittlege utlånsrenta til bankane.
Prisauke på dekk
Dekkindeksen gjekk opp med 0,8 prosent frå mai til juni etter prisjusteringar hos enkelte leverandørar. Det siste året har denne delindeksen stige med 5,8 prosent.
Dei andre delkostnadsindeksane viser inga endring den siste månaden.
|
Statistisk sentralbyrå (SSB) produserer no to indeksar for godstransport på veg. Indeksane i denne meldinga målar utviklinga i dei viktigaste kostnadskomponentane for ti ulike kjøretøygrupper. Den nye kvartalsvise produsentprisindeksen til SSB målar utviklinga i fakturert pris på transporttenester ekskl. mva. For fleire detaljar, sjå: http://www.ssb.no/emner/08/02/20/gvpi/ |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83