Kostnadsindeks for vare- og lastebiltransport, 4. kvartal 2004

Totalkostnadsindeksen for lastebiltransport gjekk ned 0,3 prosent frå november til desember 2004. I løpet av dei siste tolv månadene har totalkostnadsindeksen stige 3,2 prosent.

Auka kapitalkostnader

Kapitalkostnadsindeksen auka med 1,4 prosent i løpet av den siste månaden. Dei siste tolv månadene har denne indeksen, som er sett saman av avskrivingar, rentekostnader og vektårsavgifter/årsavgift, stige 0,2 prosent.

Prisstigning på dekk

Dekkindeksen gjekk opp 0,8 prosent frå november til desember etter prisendringar hos enkelte leverandørar. I løpet av det siste året har denne indeksen stige med 5,1 prosent.

Høgare forsikringspremiar

Forsikringsindeksen auka med 0,7 prosent i løpet av den siste månaden etter prisjusteringar hos enkelte forsikringsselskap. Det siste året har forsikringspremiane stige 0,7 prosent.

Dei andre delkostnadsindeksane viser lita eller inga endring den siste månaden.

Tabeller:

• Tabell 1 Totalkostnadsindekser for lastebiltransport. Januar 1998=100