Bruk av informasjons- og kommunikasjonsteknologi i næringslivet 2000

Denne rapporten skildrar bruken av informasjons- og kommunikasjonsteknologi i næringslivet i 2000. Resultata byggjer på ei utvalsbasert undersøking som Statistisk sentralbyrå gjennomførte kring årsskiftet 2000/2001. Undersøkinga femna om vel 4 800 private føretak.

Definisjonar av tekniske uttrykk og omgrep presenterast i eit eige oversyn, men vert også gjorde greie for i dei enkelte kapitla.

Bruk av informasjons- og kommunikasjonsteknologi var utbreidd i næringslivet ved utgangen av 2000. Så godt som alle føretak hadde teke i bruk informasjonsteknologi. Tilgangen til Internett var også stor. Resultata syner at 3 av 4 føretak hadde tilgang til Internett. Vel 2 av 10 føretak hadde Intranett, medan under 1 av 10 brukte Ekstranett. EDI var ein mindre utnytta teknologi enn Internett. I 2000 brukte 2 av 10 føretak EDI. Berre kvart tiande føretak med minst ti sysselsette hadde ei omsetning på minst 1 prosent av den totale omsetninga frå bestillingar motteke via heimeside.

Publikasjonen finst også på heimesidene til SSB, http//www.ssb.no.

Prosjektstøtte: Nærings- og handelsdepartementet.