Potet- og grovfôravlingar, 2010, førebelse tal

Den gjennomsnittlege potetavlinga for heile landet blei 2 400 kilo per dekar i 2010, om lag det same som året før. Potetarealet minka med 5 000 dekar.

Gjennomsnittleg avling av eng til slått på 622 kilo høy per dekar

Gjennomsnittleg avling av eng til slått er utrekna til 622 kilo høy per dekar i 2010. Ved første slått blei det hausta 4,3 millionar dekar eng, og ved etterslått 3,1 millionar dekar. I tillegg blei vel 0,7 millionar dekar eng berre beita, og samla engareal til slått og beite utgjorde om lag 5 millionar dekar i 2010. I 2010 var samla avling av eng til slått om lag 2,7 millionar tonn rekna som tørt høy.

Ved førsteslåtten blei avlinga frå 31 prosent av engarealet lagt i silo, medan 62 prosent blei hausta som rundballar. Ved etterslåtten blei 29 prosent av arealet lagt i silo, medan delen som blei hausta som rundballar auka til 69 prosent. Graset frå 7 prosent av engarealet ved førsteslåtten blei tørka som høy, medan knapt 2 prosent av etterslåtten blei hausta som høy.

210 000 tonn avling frå andre grønfôr- og silovekstar

Det blei dyrka andre grønfôr- og silovekstar på 120 000 dekar i 2010, og samla avling utgjorde 210 000 tonn. Grønfôrblandingar utgjorde 54 prosent av grønfôrarealet, medan arealet av raigras utgjorde 43 prosent. Dekaravlinga for raigras er rekna til 2 400 kilo, for grønfôrblandingar 1 350 kilo.

Tabeller:

• Tabell 1 Avling av potet- og grovfôrvekstar, 2007-2010
• Tabell 2 Avling av potet og grovfôrvekstar, etter fylke. 1 000 tonn
• Tabell 3 Avling per dekar av poteter og eng til slått, etter fylke. Kg