Innhald
Publisert:
Du er inne i ei arkivert publisering.
1 900 kroner meir i månaden
Gjennomsnittleg månadslønn eksklusive overtidsgodtgjersle for heiltidstilsette i kraftforsyning var på 42 600 kroner per 1. oktober 2009. Dette var 1 900 kroner, eller 4,7 prosent, meir enn på det same tidspunktet året før.
Dei to mest dominerande yrkesgruppene i kraftforsyning er handverkarar og tilsette med høgskuleutdanning. I gruppa med høgskuleutdanning dominerer driftsingeniørar og energiingeniørar. Handverkargruppa omfattar energimontørar og ulike fagarbeidarar innanfor el-fag, mekanikk og bygningsarbeid.
3,1 prosent lønnsauke for handverkarane
Månadslønna eksklusive overtidsgodtgjersle til høgskulegruppa auka med 5,2 prosent frå oktober 2008, til 42 700 kroner per 1. oktober 2009. Tilsvarande tal for handverkargruppa var opp 3,1 prosent, til 33 700 kroner.
Åtte av ti tilsette er menn
Dei fleste tilsette i næringa er menn, med ei månadslønn eksklusive overtidsgodtgjersle på 43 400 kroner per oktober 2009. Kvinnene hadde på same tid ei tilsvarande lønn på 39 600 kroner. Nokre kvinner er tilsette som sivilingeniørar, analytikarar og hydrologar, men mange kvinner er tilsette i kontoryrke med lågare lønn.
Årslønn
Utrekna årslønn i kraftforsyning for 2009 er 507 000 kroner.
Om statistikkgrunnlagetStatistikken byggjer på eit utval av verksemder i næringshovudområdet kraftforsyning, med til saman 10 798 heiltidtilsette og 946 deltidstilsette. Næringshovudområdet inneheld både offentlege og private verksemder som driv med produksjon, overføring og distribusjon av elektrisitet. Ifølgje Bedrifts- og føretaksregisteret hadde næringshovudområdet til saman 14 300 tilsette per oktober 2009. Lønnsstatistikken har teljing 1. oktober kvart år, uavhengig av tidspunkt for når resultata frå lønnsoppgjera gjeld. Dette kan verke inn på målte lønnsendringar. Ny næringsstandardFrå og med frigivinga i 2009 blir det teke i bruk ny næringsstandard. Tala for både 2008 og 2009 er etter ny næringsstandard. For generell informasjon om overgang til ny standard klikk her. |
Tabeller:
- Tabell 1 Tilsette i kraftforsyning. Gjennomsnittleg månadslønn per heltidsekvivalent per 1. oktober 2009. Kroner og endring i prosent
- Tabell 2 Tilsette i kraftforsyning. Gjennomsnittleg månadslønn, etter yrkesgruppe per 1. oktober 2009. Kroner og endring i prosent
- Tabell 3 Heiltidstilsette i kraftforsyning. Gjennomsnittleg månadslønn, etter kjønn og yrkesgruppe per 1. oktober 2009. Kroner
- Tabell 4 Heiltidstilsette i kraftforsyning. Gjennomsnittleg månadslønn, etter kjønn og yrkesgruppe per 1. oktober 2008. Kroner
Statistikken blir no publisert saman med Lønn.
Tilleggsinformasjon
Lønnsstatistikken har teljingspunkt 1. oktober kvart år uavhengig av tidspunktet for når resultata frå lønnsoppgjera gjeld. Dette kan påverke lønnsendringane i statistikken.
Strukturelle endringar i næringshovudområdet vil også kunne påverke endringane som blir målt. Dette kan vere tilhøve som endringar i sysselsetjingsmønsteret, eller at personar skifter jobb mellom ulike næringar og yrke med forskjellig lønnsnivå. I tillegg blir tala påverka av forskjeller mellom dei som kjem inn i og dei som går ut av arbeidsmarknaden.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42