Innhald
Publisert:
Du er inne i ei arkivert publisering.
4 prosent lønnsauke i kraftforsyning
Gjennomsnittleg månadslønn for heiltidstilsette i kraftforsyning utgjorde 33 100 kroner per 1. oktober 2005. Dette var ein auke på nær 1 300 kroner eller 4 prosent samanlikna med oktober 2004.
Månadslønna til menn auka med 1 100 kroner eller 3,5 prosent i gjennomsnitt frå året før, mens tilsvarande auke for kvinner var 1 800 kroner eller 6,3 prosent.
Yrkesgrupper
Det var tilsette i leiaryrke som hadde den høgaste kroneauken i månadslønna frå oktober 2004, med knapt 2 900 kroner. Fagarbeidarar hadde ein tilsvarande lønnsauke på 1 100 kroner, mens operatørar auka månadslønna med 1 700 kroner.
Om statistikkgrunnlaget
Statistikken byggjer på eit utval verksemder med til saman 9 282 heiltidstilsette i kraftforsyning. Ifølgje nasjonalrekneskapen syner førebelse tal for 3. kvartal 2005 at kraftforsyning sysselset 13 400 lønnstakarar.
Statistikken blir no publisert saman med Lønn.
Tilleggsinformasjon
Lønnsstatistikken har teljingspunkt 1. oktober kvart år uavhengig av tidspunktet for når resultata frå lønnsoppgjera gjeld. Dette kan påverke lønnsendringane i statistikken.
Strukturelle endringar i næringshovudområdet vil også kunne påverke endringane som blir målt. Dette kan vere tilhøve som endringar i sysselsetjingsmønsteret, eller at personar skifter jobb mellom ulike næringar og yrke med forskjellig lønnsnivå. I tillegg blir tala påverka av forskjeller mellom dei som kjem inn i og dei som går ut av arbeidsmarknaden.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42