5498_not-searchable
/virksomheter-foretak-og-regnskap/statistikker/etablerere/arkiv
5498
Kvinner i nyetableringar og styre
statistikk
2005-03-07T10:00:00.000Z
Virksomheter, foretak og regnskap;Innvandring og innvandrere
no
etablerere, Etablerere i næringslivet, gründere, overlevelse, vekstEierskap og roller, Virksomheter, foretak og regnskap, Innvandring og innvandrere, Virksomheter, foretak og regnskap
false

Etablerere i næringslivet, 2003-2005

Innhold

Publisert:

Du er inne i en arkivert publisering.

Gå til nyeste publisering

Kvinner i nyetableringar og styre

Kvinner står for nesten ei av tre nyetableringar av personleg åtte føretak. Dei kvinnelege etablerarane vel tradisjonelt, og dei er å finne innanfor næringsområde som er kvinnedominerte. Delen kvinner som er styrerepresentantar i allmennaksjeselskap (ASA) aukar, no er 12 prosent av styrerepresentantane kvinner.

Eigarskap og roller i næringslivet

Statistisk sentralbyrå (SSB) arbeider med utvikling av ny statistikk på området eigarskap og roller i næringslivet i samarbeid med fleire departement, mellom anna Næringsdepartementet, Kommunal- og regionaldepartementet, Barne- og familiedepartementet og Arbeids- og sosialdepartementet. Kjeldegrunnlaget for statistikksystemet er Einingsregisteret i Brønnøysundregistra med rolleinformasjon om fysiske personar, Bedrifts- og føretaksregisteret i SSB samt data frå personstatistikksystemet til SSB. Personleg åtte føretak omfattar organisasjonsformene enkeltpersonføretak, selskap med delt ansvar og ansvarleg selskap. Berre føretaka med fysiske rolleinnehavarar er med i denne statistikken. Alle allmennaksjeselskap (ASA) med aktive rolleinnehavarar er med i statistikken. Publiseringa denne gongen retter seg mot nyetableringar av personleg åtte føretak fordelt på kjønn samt styrerepresentasjon i ASA. Definisjonar og avgrensing av statistikken: Sjå Om statistikken. Annan statistikk om føretak og føretaksdemografi frå Bedrifts- og føretaksregisteret er på denne adressa: http://www.ssb.no/emner/10/01/ .

Ei kvinne bak kvar tredje nyetablering av personleg åtte føretak

Kvinnene står for nesten ei av tre nyetableringar av alle personleg åtte føretak i 2004. Enkeltpersonføretak er den organisasjonsforma som er vanlegast ved nyetablering. Kvinnene stod i 2004 for 33,4 prosent av alle nyetableringane av enkeltpersonføretak, ein auke på nesten 2 prosentpoeng frå 2003. Ser vi på nyetableringar av andre personleg åtte føretak (ansvarleg selskap og selskap med delt ansvar) har vi òg fått ein auke i delen kvinner frå 2003 til 2004 frå 21,4 til 22,6 prosent. Ei av tre kvinner som etablerte eit heilt nytt enkeltpersonføretak i 2004 hadde låg høgare utdanning, medan tilsvarande tal for menn berre var ein av fem.

Rolleinnehavar etter kjønn, nyetablerte føretak. 2004 og 2005

Styrerepresentantar i allmennaksjeselskap, etter kjønn. 1. januar 2004 og 2005

Helse- og sosialtenester er kvinnene si favorittnæring

I år som i fjor finn vi tradisjonelle val i nyetableringar. Størst del kvinner som står for nyetablering finn vi innanfor helse- og sosialtenester, både når det gjeld enkeltpersonføretak (64 prosent) og andre personleg åtte føretak (52 prosent). Minst del kvinner finn vi innanfor næringa byggje- og anleggsverksemd, i denne næringa står kvinnene berre for om lag 2,5 prosent av nyetableringane.

Større del kvinnelege styrerepresentantar i store føretak

Kvinnerepresentasjonen i allmennaksjeselskap har auka med nesten 3 prosentpoeng, frå 9 prosent ved inngangen til 2004 til nesten 12 prosent ved inngangen til 2005. Ser ein isolert på allmennaksjeselskapa som vart etablerte i 2004, så er vel 4 prosent av styrerepresentantane i desse kvinner. Delen kvinner aukar med storleiken på føretaket. I allmennaksjeselskap med 100 eller fleire tilsette er delen kvinner heile 21 prosent.

Framleis langt att til 40 prosent kvinner i styra

Ved inngangen til 2005 oppfyller eitt av ti allmennaksjeselskap kravet om 40 prosent kvinner i styret. Dette er ein auke frå inngangen til 2004 då berre 6 prosent av allmennaksjeselskapa oppfylte kravet, trass i at ingen av dei nyetablerte allmennaksjeselskapa i 2004 har 40 prosent av kvart kjønn i sine styrer.

Meir i Statistikkbanken

I Statistikkbanken finn ein fleire tal på føretak og rolleinnehavarar etter næring, organisasjonsform, fylke, storleiksgrupper, kjønn, alder og utdanning.

Tabeller: