Eigarskap og roller i næringslivet (opphørt), 1. januar 2008

Berre 0,4 prosent av aksjeselskapa og allmennaksjeselskapa hadde 100 eller fleire aksjonærar. Aksjonærane i desse selskapa utgjorde snautt 68 prosent av alle aksjonærar.

54 prosent av føretaka hadde berre ein aksjonær. Desse aksjeeigarane utgjorde ikkje meir enn drygt 7 prosent av alle aksjonærar. Drygt 22 prosent av føretaka hadde to aksjonærar.

Ein av fire personlege aksjonærar med aksjemajoritet

Om lag 24 prosent av dei personlege aksjonærane hadde aksjemajoritet i eitt eller fleire føretak. Ser vi på aksjonærane som var føretak, hadde i overkant av 55 prosent av desse eigarane aksjemajoritet i eitt eller fleire selskap.

Dagleg leiar og styrerepresentantar ofte representerte på eigarsida

I om lag to av tre føretak hadde aksjonærane roller i form av anten dagleg leiar, styreleiar, styremedlem eller nestleiar. Den største delen av føretaka der aksjonærar hadde roller, finn vi blant føretak med tre eller fire aksjonærar. I over 81 prosent av desse føretaka var dagleg leiar og styrerepresentantar blant eigarane.

Tabeller:

• Tabell 1 Talet på føretak og aksjonærar, etter type aksjonær i føretaket. 1. januar 2008
• Tabell 2 Talet på føretak og aksjonærar, etter eigardel og talet på aksjonærar i føretaket. 1. januar 2008. Prosent
• Tabell 3 Talet på føretak der aksjonær har ei rolle i føretaket, type rolle og talet på aksjonærar i føretaket. 1. januar 2008
• Tabell 4 Talet på aksjonærar, etter talet på føretak dei har aksjar i. 1. januar 2008
• Tabell 5 Talet på aksjonærar, etter talet på føretak dei har aksjemajoritet i. 1. januar 2008