Aksjer og kapitalutdelinger, 2007, foreløpige tall

Totalt delte norske aksjeselskap ut 248 milliardar kroner i utbytte og kapitalnedsettingar. Dette fordelte seg på 218 milliardar kroner i utdelt utbytte, 9 milliardar kroner i tilbakebetalt aksjekapital og 22 milliardar kroner i tilbakebetalt overkurs. Norske føretak mottok det meste av desse utbetalingane med 121 milliardar kroner, medan utanlandske aksjonærar fekk 69 milliardar kroner, og offentleg forvaltning tok ut 30 milliardar kroner.

Nær halvparten til middelaldrande menn

Personlege aksjonærar busette i Noreg mottok 15 milliardar kroner i utbytte og 11 milliardar kroner i kapitalnedsettingar. Menn i førti- og femtiåra mottok nær halvparten av dette, med til saman 12 milliardar kroner. Til samanlikning gjekk berre 2,3 milliardar kroner til kvinner i den same aldersgruppa. I pålydande aksjekapital åtte menn 65 milliardar kroner, medan kvinner åtte 21 milliardar kroner.

Svenskane åtte mest, danskane tok ut mest

Av dei utanlandske aksjonærane var det aksjonærar frå Sverige som åtte mest av den pålydande aksjekapitalen i norske aksjeselskap, med 22 milliardar kroner i 2007. Deretter følgde aksjonærar frå Storbritannia og USA med høvesvis 14 milliardar kroner og 10 milliardar kroner. Størstedelen av utbyttet gjekk til Danmark, med nær 11 milliardar kroner, medan amerikanske aksjonærar mottok 10 milliardar kroner.

Tabeller:

• Tabell 1 Aksjeselskap, aksjeklassar, pålydande aksjekapital og fordelt utbytte, etter næring
• Tabell 2 Pålydande aksjekapital, motteke utbytte og motteke tidlegare innbetalt aksjekapital og overkurs, etter mottakande sektor. Millionar kroner
• Tabell 3 Personlege aksjonærar, motteke utbytte og motteke tidlegare innbetalt aksjekapital og overkurs, etter kjønn og alder
• Tabell 4 Pålydande aksjekapital og motteke utbytte for utanlandske aksjonærar, etter utvalde land. 2007. Millionar kroner