Aksjer og kapitalutdelinger, 2006, foreløpige tall

Nedgangen i hushaldas utbytte må sjåast i samanheng med nye reglar for utbytteskatt som vart introdusert frå inntektsåret 2006.

Totalt mottok aksjonærane i norske aksjeselskap nær 148 milliardar kroner i aksjeutbytte i 2006, mot 252 milliardar året før. Offentleg forvaltning mottok 24 milliardar kroner i utbytte, ein auke på 6 milliardar kroner samanlikna med 2005. Norske føretak fekk mest aksjeutbytte i 2006, med 69 milliardar kroner. Til samanlikning gjekk om lag ein tredel av alt utbytte, eller 48 milliardar kroner, til utlandet.

Mest utbytte frå olje og gass

Aksjeselskapa i olje- og gassutvinning delte ut mest aksjeutbytte i 2006 med til saman 49 milliardar kroner. Utanlandske aksjonærar mottok 41 prosent eller 20 milliardar kroner av dette, medan offentleg forvaltning fekk 16 milliardar kroner.

Størst nedgang i aksjeutbytte fann stad i forretningsmessig tenesteyting og eigedomsdrift. Her var nedgangen på heile 46 milliardar kroner eller 72 prosent. Det var berre i kraft- og vassforsyning, finansiell tenesteyting og forsikring at utdelt aksjeutbytte auka.

Aksjekapital

Utanlandske aksjonærar åtte 15 prosent av pålydande aksjekapital i norske aksjeselskap i 2006. Størst eigarskap har utanlandske aksjonærar i finansiell tenesteyting og industri og bergverksdrift, med 21 milliardar kroner i begge næringane.

Hushald og ideelle organisasjonar hadde 15 prosent av aksjekapitalen totalt sett, medan norske føretak og offentleg forvaltning hadde høvesvis 62 og 8 prosent av aksjekapitalen.

Tabeller:

• Tabell 1 Aksjeselskap, aksjeklassar, pålydande aksjekapital og utdelt utbytte, etter næring
• Tabell 2 Pålydande aksjekapital og motteke utbytte før aksjonærar, etter sektor. Millionar kroner