Høgste talet på nye føretak sidan målingane starta

Truleg har det ikkje vore fleire nyetableringar i noko kvartal sidan den årlege målinga starta i 2001, viser nye tal frå statistikken Føretak. Ei muleg forklaring kan vere at folk som har mista arbeidet under korona-pandemien, har starta eige føretak. Det vart registrert heile 27 prosent fleire nye aksjeselskap enn i same kvartal i fjor, men 1 prosent færre nye einskildpersonføretak.

Transporttenester voks mykje

Det var betydeleg auke i nye registreringar innan transport og lagring på 64 prosent, men og innan industri med 19 prosent og varehandel og reparasjon av motorvogner med 17 prosent, samanlikna med 4. kvartal i fjor. Talet på nye føretak utan registrert næring vaks likevel klårt mest, og meir enn dobla seg i same periode, grunna etterslep i registreringane. Det var større auke i talet på nye føretak i denne kategorien enn det var totalt, noko som påverkar utviklinga i talet på føretak med kjend næring.

Innanfor kultur, underhaldning og fritid, samt undervisning var talet på nye føretak klårt lågare enn 4. kvartal i fjor før, høvesvis 28 og 19 prosent. For førstnemnde næring var det likevel ei auke frå kvartalet før med 12 prosent.

Talet på nye føretak auka mest i Sør-Noreg med 12 prosent frå året før, mens i Trøndelag og Nord-Noreg var det berre ei lita auke på 2 prosent.