Tilnærma uendra overnattingar

Overnattingsstatistikken visar at det var 2,04 millionar overnattingar registrerte i oktober i år i den kommersielle overnattingstrafikken, noko som er tilnærma uendra målt mot same månad året før. Hotella hadde om lag uendra tall på overnattingar, medan camping fall med 2,5 prosent og hyttegrender fall med 7 prosent. 

Framleis fleire amerikarar 

Samla sett gjekk norske overnattingar ned med 1 prosent, medan utanlandske overnattingar auka med 2 prosent. Her var overnattingar frå USA, Tyskland og Spania som bidrog mest til auka, medan færre overnattingar frå Storbritannia, Nederland og Asia bidrog til at auka ikkje blei større.

Auka i talet på overnattingar frå USA kan du lese meir om i artikkelen amerikarane kommer.

Kartet under syner dei totale overnattingane i oktober i dei ulike fylka i Norge

Regionale skilnadar på utanlandske overnattingar 

Den samla auka på 2 prosent i utanlandske overnattingar frå oktober i fjor, har ikkje fordelt seg jamt over heile landet. Det er særskilt Hedmark, Oppland og Troms som bidrar til auka, medan Rogaland, Oslo og Buskerud trakk ned. 

Fortsatt auke på Svalbard 

Hotellovernattingar på Svalbard auka med 11 prosent frå oktober 2018 målt mot same månad året før. Dette er ein del av ein lengre trend, der det er stadig fleire hotellovernattingar på Svalbard, også utanfor den tradisjonelle sesongen for turistar.

Her er det igjen utanlandske overnattingar som bidrar til auka, og særskilt dei frå Danmark og Tyskland trekk opp saman med at også fleire nordmenn overnatta på Svalbard i oktober i år målt mot same månad i fjor.

Færre overnattingar på campingplassar

• 164 000 overnattingar i oktober 2018
• Norske overnattingar gjekk ned 3,2 prosent
• Utanlandske overnattingar auka med 1,6 prosent 

Færre overnattingar på hyttegrendene

• 101 000 overnattingar i oktober 2018
• Norske overnattingar gjekk ned 17 prosent
• Utanlandske overnattingar auka med 17 prosent