Fag- og forskingsbibliotek, 2008

Dei digitale dokumenta er hovudsakleg samla hos Nasjonalbiblioteket, og dei har digitalisert nær 500 millionar dokument i løpet av 2008. Auken i digitale dokument ved universitets- og høgskolebiblioteka er mindre med om lag ein halv million dokument, men representerer likevel ein auke for desse biblioteka på nær 68 prosent.

Langt færre patent

Ved utgangen av 2008 forvalta fag- og forskingsbiblioteka nær 33 millionar fysiske einingar.

Bøker og periodika utgjer 62 prosent, litt over 20 millionar. Forutan bøker og periodika består dei fysiske einingane av manuskript, mikroformer, kartografisk materiale, musikaliar, patent og anna bibliotekmateriale. Patenstyret har i 2008 kassert alle patenta sine. Dette gjer at total bestand i fag- og forskingsbiblioteka er sterkt redusert siste året.

Flest lokale lån ved høgskolane

87 prosent av dei 4,2 millionar utlåna var lokale lån, medan om lag 546 000 var fjernlån. Ved universitetsbiblioteka vart det utført 1,8 millionar utlån. Ved høgskolane, både offentlege og private, vart det utført 1,6 millionar utlån. Dette utgjer 38 prosent av totale utlån ved fagbiblioteka. Høgskolebiblioteka har størst del lokale lån, 92 prosent av låna ved desse institusjonane var lokale.

I tillegg til utlån utfører fagbiblioteka også innlån av dokument, nærare 300 000. 38 prosent av innlåna fann stad i universitetsbiblioteka.

Flest bibliotekfaglege årsverk

I 2008 vart det utført nær 1 600 årsverk ved dei snautt 330 bibliotekeiningane som statistikken omfattar. 73 prosent av årsverka var i bibliotekfaglege stillingar. Dei samla utgiftene for fag- og forskingsbiblioteka i 2008 var om lag 1,45 milliardar kroner. Ikkje alle biblioteka fører kostnader til løn i rekneskapane sine, i nokre tilfelle vert løn dekt av eigarinstitusjonen.

Tabeller:

• Tabell 1 Fag- og forskingsbibliotek. Hovudtabell. 2008
• Tabell 2 Fag- og forskingsbibliotek. Bøker, periodika, utlån, innlån, utgifter, tilsette og årsverk. 2008