Kjøtproduksjon, 2011

Frå 2010 til 2011 minka produksjonen av sauekjøt med 5 prosent, til 23 400 tonn, medan storfekjøt gjekk ned med 3 prosent, til 81 600 tonn. I same perioden auka slakt av svin med knapt 2 prosent til 130 800 tonn. Slakt av fjørfe låg på om lag same nivå som året før.

Av i alt 321 000 tonn slakt utgjorde svinekjøt den største delen, med 41 prosent av produksjonen. Fjørfekjøt og storfekjøt utgjorde respektive 26 og 25 prosent.

Rogaland produserar mest

Drygt 20 prosent av alt kjøtet blei i fjor produsert i Rogaland, medan Nord-Trøndelag og Hedmark stod for 14 og 12 prosent av totalproduksjonen. Rogaland hadde den klart høgaste produksjonen av alle kjøtslaga, med unnatak av fjørfe. Der var det Nord-Trøndelag og Østfold som var dei leiande fylka.

Når det gjeld storfekjøt, hadde Rogaland og Oppland den største produksjonen, med respektive 14 200 og 11 200 tonn. Rogaland var også størst på svinekjøt og sauekjøt, der fylket stod for 29 og 22 prosent av produksjonen på landsnivå. Produksjonen av fjørfekjøt var størst i Nord-Trøndelag og i Østfold, og desse to fylka stod for 39 prosent av den totale produksjonen av fjørfekjøt i 2011.

Tabeller:

• Tabell 1 Offentleg kjøtkontroll. Slakt godkjende til folkemat. Tonn
• Tabell 2 Offentleg kjøtkontroll. Slakt godkjende til folkemat. Tal dyr
• Tabell 3 Offentleg kjøtkontroll. Slakt godkjende til folkemat av ulike dyreslag. Tal dyr
• Tabell 4 Offentleg kjøtkontroll. Slakt godkjende til folkemat av ulike dyreslag. Tonn
• Tabell 5 Offentleg kjøtkontroll. Slakt godkjende til folkemat. Gjennomsnittsvekt. Kg