Landbruksteljing, 2010

Dette syner tal frå Landbruksteljing 2010. I 1999 var kvar fjerde personlege brukar under 40 år, medan kvar femte var under 40 år i 2010. Talet på gardbrukarar i 60-åra har auka frå 14 prosent i 1999 til 19 prosent i 2010. Brukarane på dei største jordbruksbedriftene har ein noko lågare gjennomsnittsalder enn andre brukarar.

Høgare prosentdel einslege gardbrukarar

Knapt ein av fire gardbrukarar er einslege. Dette er ein litt større del enn for 11 år sidan. Flest einslege brukarar er det i Oppland, Sogn og Fjordane og Finnmark der meir enn kvar fjerde gardbrukar lever åleine. Litt interessant kan det vere å leggje merke til at dess større jordbruksbedrifta er, med tanke på areal i drift, dess større del av brukarane er gifte eller sambuande.

Færre enn halvparten er utdanna

Mindre enn halvparten av gardbrukarane har formell landbruksutdanning, og det er ein del regionale forskjellar. I Østfold, Hedmark og Nord-Trøndelag har meir enn halvparten utdanning innanfor landbruk. I Finnmark, Vest-Agder og Troms manglar mellom 66 og 70 prosent landbruksutdanning. På dei største bedriftene er ein større del av gardbrukarane utdanna. Minst prosentdel utdanna finst mellom dei eldste gardbrukarane, og dei under 40 år. Størst del utdanna finst mellom dei som er i 40-åra, der halvparten har landbruksutdanning.

Tabeller:

• Tabell 1 Jordbruksbedrifter med personleg brukar, etter alder til brukar, gjennomsnittsalder til brukar, fylke og storleik på areal i drift
• Tabell 2 Jordbruksbedrifter med personleg brukar, etter sivil status til brukar, fylke og storleik på jordbruksareal i drift
• Tabell 3 Jordbruksbedrifter med personleg brukar, etter brukar og ektefelle/sambuar si landbruksutdanning, fylke og ymse strukturinndelingar