Elvefiske, 2007, førebelse tal

Fangsten var fordelt på 338 tonn laks og 74 tonn sjøaure og sjørøye. Samanlikna med året før var det ein nedgang på 20 prosent for laks og 6 prosent for dei to andre fiskeslaga. Fangsten av smålaks og laks mellom 3 og 7 kilo gjekk ned med respektive 48 og 18 prosent, medan fangst av laks over 7 kilo auka med 30 prosent.

Gjennomsnittsvekta for laks gjekk opp frå 3 kilo i 2006 til 3,5 i 2007. 25 prosent av laksen vog under 3 kilo, 42 prosent mellom 3 og 7 og 33 prosent over 7 kilo. Tala for 2006 var høvesvis 38, 42 og 20 prosent.

Tana med bielvar var det viktigaste vassdraget i 2007, med ein fangst på 48,1 tonn. Det er 1,6 tonn mindre enn i 2006. Deretter følgjer Gaula, Orkla, Namsenvassdraget og Altaelva.

Det har vore nedgang i dei fleste fylka. Sør-Trøndelag og Finnmark hadde størst nedgang, med høvesvis 29 og 20 tonn. Likevel kjem Finnmark og Sør-Trøndelag ut med størst fangst også i 2007. Til saman blei 42 prosent av elvefangsten teke i desse fylka. Av fylka som hadde auke i fangstane, var det Rogaland som auka mest.