Kommunehelsetenesta, 2003

På lokalt nivå kan det likevel vere større variasjonar i belegget, spesielt i mindre kommunar. Medan talet på plassar i institusjonar har gått noko ned totalt dei siste åra, har talet på rom auka. Særleg har Handlingsplanen for eldreomsorgen resultert i at rom for to eller fleire bebuarar er ombygde til einerom, forutan mykje nybygging av sjukeheimar med hovudsakleg einerom. No er 91 prosent av romma einerom, medan det berre vart registrert 13 rom for fleire enn to personar.

Talet på mottakarar av heimetenester har halde seg på rundt 160 000 dei seinare åra, etter ein auke mot slutten av 1990-talet. Det siste tiåret har likevel talet på mottakarar av heimesjukepleie auka til i overkant av 106 000, medan talet på mottakarar av berre praktisk bistand stadig går ned.

Både talet på mottakarar av avlastning og støttekontakt viser ei stigning. Litt over 8 600 personar mottok avlastning i 2003, medan rundt 21 700 hadde støttekontakt.

Nær 111 000 årsverk inkludert vikarar var registrerte innanfor pleie- og omsorgstenestene ved utgangen av 2003.

Med unntak av fastlønte legar og legar utan avtale, er tala for kommunehelsetenesta stabile. Talet på årsverk av legar med fast løn er no rundt 500, ei tilbakegang på 7 prosent frå 2002. For legar utan avtale har tilbakegangen vore endå sterkare, på 10 prosent det siste året, til 95 årsverk.

Totalt, inkludert institusjonar, representerar legane og fysioterapeutane i kommunehelsetenesta i overkant av 4 100 årsverk kvar.

Tabeller:

• Tabell 1 Plassar i institusjonar for eldre og funksjonshemma. 1996-2003
• Tabell 2 Rom i institusjonar for eldre og funksjonshemma. Prosent (N=talet på rom). 1991-2003
• Tabell 3 Bebuarar i institusjonar for eldre og funksjonshemma, etter alder. 1992-2003
• Tabell 4 Bebuarar i bustader til pleie- og omsorgsformål, etter alder. 1994-2003
• Tabell 5 Mottakarar av heimetenester, etter alder. 1992-2003
• Tabell 6 Mottakarar av heimetenester, etter type teneste. Heile landet. 1992-2003, førebelse tal 2003
• Tabell 7 Mottakarar av avlasting, etter alder. 1996-2003
• Tabell 8 Mottakarar av støttekontakt, etter alder. 1996-2003
• Tabell 9 årsverk innanfor pleie- og omsorgstenestene. 2002 og 2003, førebelse tal 2003
• Tabell 10 årsverk av ulike yrkesgruppar i kommunehelsetenesta utanfor institusjonar for eldre og heimetenestene. årsverk per 10 000 innbyggjarar. Sentralitet. 1994-2003
• Tabell 11 årsverk av ulike yrkesgruppar i kommunehelsetenesta utanfor institusjonar for eldre og heimetenestene. Sentralitet. 1994-2003
• Tabell 12 årsverk av legar med ulike avtaleformer i kommunehelsetenesta utanfor institusjonar for eldre og heimetenestene. Sentralitet. 1994-2003
• Tabell 13 årsverk av fysioterapeutar med ulike avtaleformer i kommunehelsetenesta utanfor institusjonar for eldre og heimetenestene. Sentralitet. 1994-2003
• Tabell 14 årsverk i skolehelsetenesta og helsestasjontenesta. 1994-2003
• Tabell 15 Legeårsverk etter virkeområde. 1994-2003
• Tabell 16 Fysioterapeutårsverk etter virkeområde. 1994-2003