Uvanleg få tapte arbeidsdagar i 2018

Som følgje av dei 11 arbeidskonfliktane i 2018 gjekk 24 142 arbeidsdagar tapt, viser statistikken  Fagforeiningsmedlemmer og streikar. Konfliktane involverte til saman 3 502 arbeidstakarar. Heile 1 807 av desse var tilsett innanfor informasjon og kommunikasjon, noko som medførte et tap på 12 021 arbeidsdagar i den næringa, eller nærmare halvparten av alle dei tapte arbeidsdagane i 2018. Ved førre hovudoppgjer i 2016 gjekk 165 798 arbeidsdagar tapt i 14 arbeidskonfliktar. Her var 8 858 arbeidstakarar involvert.

Normalt er det flest arbeidskonfliktar i år med hovudoppgjer. Gjennomsnittleg tal på tapte arbeidsdagar for de ni hovudoppgjera i perioden frå 2000 til 2016 var om lag 241 000, mens det gjennomsnittlege talet på arbeidstakarar involvert var i overkant av 31 000. Samtidig var det i gjennomsnitt 14 arbeidskonfliktar. Altså er det et relativt lavt tal på arbeidstakarar i arbeidskonflikt og tapte arbeidsdagar, og ikkje talet på konfliktar i seg sjølv, som gjer 2018 til et noko uvanleg år i denne samanheng.

For dei arbeidstakarane som var i arbeidskonflikt i 2018 var gjennomsnittleg tal på tapte arbeidsdagar per arbeidstakar i underkant av sju. Tilsvarande tal for hovudoppgjera i perioden 2000-2016 samla sett var litt under 11.

Medlemsauke i hovudsamanslutningane for arbeidstakarar

LO, YS, UNIO og Akademikerne opplevde alle medlemsauke i 2018. Det var også ein auke i talet på yrkesaktive medlemmer for alle desse. LO hadde den største medlemsveksten i absolutte tal med i overkant av 11 100 nye medlemmer, mens Akademikerne hadde den sterkaste prosentvise veksten med ein auke i medlemsmassen på 2,7 prosent.