Innhald
Publisert:
Du er inne i ei arkivert publisering.
Svak nedgang i talet på konkursar
Etter ein stadig auke i talet på konkursar sidan byrjinga av fjoråret er det no registrert færre konkursar igjen. I 2. kvartal 2014 vart det opna 1 268 konkursar, snautt 4 prosent færre enn i det same kvartalet i 2013.
| Juni 2014 | Endring i prosent | 2. kvartal 2014 | Endring i prosent | |
|---|---|---|---|---|
| Juni 2013 - Juni 2014 | 2. kvartal 2013 - 2. kvartal 2014 | |||
| Opna konkursar i alt | 453 | 15,9 | 1 268 | -3,6 |
| Føretakskonkursar | 320 | 11,1 | 877 | -3,6 |
| Personlege konkursar, inklusive einskildpersonføretak | 133 | 29,1 | 391 | -3,7 |
| Konkursar innanfor byggje- og anleggsverksemd | 122 | -1,6 | 364 | -10,6 |
| Konkursar innanfor varehandel og reparasjon av motorvogner | 99 | 20,7 | 277 | 1,1 |
Den største prosentvise nedgangen finn vi i Hedmark og Sør-Trøndelag der det var høvesvis 31 og 25 prosent færre konkursar. I Hedmark, saman med Rogaland, var òg nedgangen i absolutte tal størst, med 18 færre konkursar i kvart av dei to fylka. I Hordaland gjekk talet på konkursar mest opp, med 24 prosent, eller 29 fleire konkursar.
Sju av ti konkursar, i alt 877, var føretakskonkursar som omfattar alle føretak unnateke einskildpersonføretak. Nesten ein tredel av føretakskonkursane var innanfor varehandel og reparasjon av motorvogner. Dei resterande 391 konkursane var personlege konkursar og einskildpersonføretak. Fire av ti av desse dreiv innanfor byggje- og anleggsverksemd.
Det vart opna totalt 2 567 konkursar i dei seks fyrste månadene i år. Det er 3 prosent fleire enn i den same perioden i 2013.
Kontakt
-
Harald Fondevik
E-post: harald.fondevik@ssb.no
tlf.: 40 90 24 47