Ovddalgihtii jienat loktejedje válgaoassálastima

Publisert:

16 958 olbmo sáhttet jienastit Sámediggeválggas, ja 2017:s dohkkehuvvo 11 757 jiena ja bealli dain ledje ovddalgihtii jienat. Válgaoassálastin lei 70,3 proseantta ja gártái seammá dássái go oassálastin 2009:s.

Dan sadjái go jienat mat bohtet válgabeaivvi leat leamašan dásset daid maŋemus válggaid, de dagaha ovddalgihtii jienasteami lassáneapmi dan ahte heajos válgaoassálastin buorrána. Oassálastin Stuoradiggeválggaide riikadásis lei 78,2 proseantta sihke 2013:s ja 2017:s. 

Eanet válgaoassálastin davimus guovlluin

Válgaoassálastin Sámediggeválgii lei nu mot ovdalge eanemus davimus válgabiirriin ja Nuorta válgabiirres lei jienasteapmi seamma dásis go gaskamearalaččat riikkas Stuoradiggeválggas. Dain golmma davimus válgabiirriin jienastedje oktiibuot 74,9 proseantta, dan sadjái go jienasteapmi Finnmárkkus Stuoradiggeválgii lei 72,6 proseantta. 

Lulli-Norgga válgabiirres, nu go lea leamašan daid ovddit válggainge, unnimus válgaoassálastin, muhto doppege oaidnit ahte lea veháš lassánan, 5,4 proseanttain 2013 válgga ektui.

Ovddalgihtii jienat dehálepmosat lulde

Golbma njealji jienain Lulli-Norgga válgabiirres leat ovddalgihtii jienat, ja dát oassi lei 38 proseantta sihke Nuorta ja Ávjováre válgabiirriin. Oktiibuot bohte juohke nubbi jietna ovddalgihtii 2017:s, 7 proseantta eanet go ovddit válggas.

Eanet dievddut

Dan sadjái go goappašat ovddit válggain besse 19 nissonolbmo oktiibuot 39 áirasis Sámediggái, de besse dušše 17 nissonolbmo sisa 2017:s. Viesttarmeara válgabiirres leat oktiibuot njeallje viđa áirasiin dievddut ja dušše 2 Bargiidbellodaga 9 áirasis leat nissonolbmo.

NSR vuittii stuorrát

Norgga Sámiid Riikasearvi (NSR) oaččui oktiibuot 16 áirasa 2017:s, 5 eanet go 2013:s ja lea dál seamma dásis go 2015 válgaáigodagas. Bargiidbellodat, mii lei stuorámus bellodat ovddit válggas, massii eanetlogu ja lei guhkkin eret faskeme jođiheami iežas 9 áirasiin 2017:s. Válgalistu Árja fas massii 3 iežas 4 áirasis maid oaččui 2013:s.

Dat guokte stuorimus bellodaga (NSR ja Bargiidbellodat) oaččuiga oktiibuot sullii seamma ollu jienaid (45 proseanta), muhto lasiheigga aŋkke áirasiid logo 54 proseanttas 64 prosentii.

Stuora erohusat mandáhta jietnalogus

Gaskamearalaččat ledje 301 jiena juohke mandáhta duohken, muhto dat rievddada ollu; 187 jiena juohke mandáhtas Åarjelsámi válgabiirres measta duppaliidda Nuorta válgabiirres (354) ja Ávjovári válgabiirres (350). Dat vuolgá das man stuoris lea válgabiire ja válgaoassálastin, go stuora válgabiirres gáibiduvvojit ollu jienat oažžut ovtta áirasa sisa, dan sadjái go unnit biirres gos lea unnit válgaoassálastin.  

Govus 1. Sámediggeválga 2017. Dohkkehuvvon ovddalgihtii jienat ja válgabeaivve jienat, biirriid mielde

Nuortaguovllu válgabiire Ávjovári válgabiire Davviguovllu válgabiire Gáisi válgabiire Viesttarmearra válgabiire Åarjel Saepmie válgabiire Lulli-Norgga válgabiire
Ovddalgihtii jienat 665 1059 928 756 529 532 1298
Válgabeaivve 1105 1744 836 1048 621 214 422

Kontakt