268788
/jord-skog-jakt-og-fiskeri/statistikker/hagebruk/aar
268788
statistikk
2017-05-11T08:00:00.000Z
Jord, skog, jakt og fiskeri
no
hagebruk, Hagebruksavlingar, frukt, bær, grønsakerJordbruk, Jord, skog, jakt og fiskeri
true

Hagebruksavlingar

Oppdatert

Neste oppdatering

Nøkkeltal

7,6 %

auke i grønsaksproduksjonen frå 2015 til 2016

Avling av frukt, hagebær og grønnsaker.
2016Prosent endring frå
Tonn2015 - 20162012 - 2016
Frukt15 13217,516,4
Hagebær12 585-16,44,3
Grønsaker199 5027,620,5

Sjå fleire tabellar om emnet

Tabell 1 
Avling av frukt, hagebær og grønsaker. Tonn

Avling av frukt, hagebær og grønsaker. Tonn1
20122013201420152016
1Gjeld jordbruksbedrifter som fyller eitt eller fleire av desse krava: Minst 1 dekar frukttre, minst 1 dekar bær på friland, minst 2 dekar grønsaker inkludert urter på friland, eller minst 300 m2 grønsaker inkludert urter i veksthus.
2Avling av grønsaker omfattar hovudkulturer på friland og under glas/plast. Ikkje medrekna bønner og erter til konservesindustrien.
Frukt13 00212 16515 91712 87815 132
Hagebær12 0688 98811 54015 04512 585
Grønsaker2165 527172 829189 377185 391199 502

Tabell 2 
Avling av ymse hagebruksvekstar

Avling av ymse hagebruksvekstar1
2016
Areal (dekar)Avling per dekar (kg)Avling (tonn)
1Gjeld jordbruksbedrifter som fyller eitt eller fleire av desse krava: Minst 1 dekar frukttre, minst 1 dekar bær på friland, minst 2 dekar grønsaker inkludert urter på friland, eller minst 300 m2 grønsaker inkludert urter i veksthus.
Frukt
Eple13 51091512 356
Pærer644370238
Plommer4 4034181 842
Morellar1 445401580
Kirsebær472225106
Hagebær
Solbær2 837269763
Jordbær15 3165698 710
Bringebær4 0287252 921
Grønsaker på friland
Blomkål6 4371 5319 853
Sommarkål1 0082 1812 199
Haust- og vinterkål3 6794 36216 049
Rosenkål2 5806381 647
Kinakål1 1342 2172 514
Brokkoli4 2001 0184 278
Kålrot4 8052 59312 458
Gulrot16 0833 23752 057
Purre1 6262 0183 280
Raudbete1 3594 6636 336
Kepalauk8 2692 85323 591
Knollselleri9061 6961 537
Sylteagurk5242 7691 451
Isbergsalat3 8052 1398 140
Annan salat på friland4 0052 3199 288
Grønsaker under glas/plastAvling i kg per m2
Agurk i veksthus2376815 998
Tomat i veksthus3453211 141
Hovud-/rotsalat i veksthus60211 269

Om statistikken

Statistikken gjer eit oversyn over areal, avlingsnivå per arealeining og totalavling for viktige hagebruksvekstar.

Omgrep

Definisjon av dei viktigaste omgrepa og variablane

Jordbruksbedrift: Verksemd med jordbruksdrift, medrekna hagebruk og husdyrhald. Bedrifta omfattar alt som blir drive som ei eining under ei leiing og med felles bruk av produksjonsmidlar. Jordbruksbedrifta er uavhengig av kommunegrenser. Ei jordbruksbedrift skal ha eit driftssenter på ein landbrukseigedom. Til og med 2003 blei omgrepet driftseining nytta.

Areal av grønsaker: Dersom det blir hausta meir enn éi avling av same vekst på same arealet i løpet av vekstsesongen, er arealet berre rekna ein gong. Blir same areal brukt til ulike vekstar, er arealet ført på kvar av vekstane. Totalarealet av alle vekstane vil difor vere større enn grunnarealet nytta til produksjon av grønsaker.

Avling er definert som produksjon som er salbar. Dette omfattar produksjon for sal og heimeforbruk medrekna frukt og bær til pressing.

Salsverdien gjeld både sal til grossist, detaljist, direkte sal til forbrukar og berekna verdi av heimeforbruk.

 

Standard klassifikasjonar

Fylke, der Oslo og Akershus er slått saman.

Administrative opplysingar

Namn og emne

Namn: Hagebruksavlingar
Emne: Jord, skog, jakt og fiskeri

Neste publisering

Ansvarleg seksjon

Seksjon for primærnæringsstatistikk

Regionalt nivå

Fylke.

Kor ofte og aktualitet

Årleg.

Internasjonal rapportering

Eurostat og FAO.

Lagring og bruk av grunnmaterialet

Mikrodata blir lagra i SSB.

Bakgrunn

Føremål og historie

Føremålet med statistikken er å presentere årleg statistikk over areal, avlingsnivå per arealeining og totalavling for viktige hagebruksvekstar.

Fram til og med 1995 utarbeidde Statistisk sentralbyrå areal- og avlingsstatistikk over hagebruksvekstar. Frå 1996 og fram til og med avlingsåret 2004 blei statistikken utarbeidd av Statens landbruksforvaltning (SLF). Frå avlingsåret 2005 blir statistikken igjen utarbeidd av Statistisk sentralbyrå. Metode og prosedyrar blei gjort om då SLF tok over ansvaret for statistikken. I perioden 2005-2009 har Statistisk sentralbyrå ført vidare den same metodikken som SLF nytta.

Brukarar og bruksområde

Statistikken blir nytta av bransjeorganisasjonane, Budsjettnemnda for jordbruket, Landbruks- og matdepartementet og ulike forskingsinstitusjonar slik som Norsk Institutt for landbruksøkonomisk forskning.

Likebehandling av brukere

Ikkje relevant

Samanheng med annan statistikk

Statistikken for 2010 er delvis utleda frå den fullstendige landbruksteljinga i 2010. Arealopplysningar frå LT2010 er førehandsutfylt på dei utsende skjema til avlingsstatistikken for 2010.

Lovheimel

Statistikkloven §§2-1, 2-2, 2-3.

EØS-referanse

Regulation (EC) No 543/2009 of The European Parliament and the Council of 18 June 2009 concerning crops statistics and repealing Council Regulations (EEC) No 837/90 and (EEC) No 959/93.

Produksjon

Omfang

Hagebruksavlingar omfattar statistikk over bær på friland, fruktdyrking, grønsaker på friland og grønsaker i veksthus. Ved Landbruksteljing 2010 skulle jordbruksbedrifter som fylte minst eitt av følgjande krav fylle ut hagebruksskjema:

  • Driv minst 300 m2 grønsaker inkludert urter, blomster og planter i veksthus
  • Driv minst 2,0 dekar grønsaker inkludert urter på friland
  • Driv minst 1,0 dekar frukttre, bær på friland eller planteskule

Datakjelder og utval

Alle arealtal for 2010 er henta frå Landbruksteljing 2010. Opplysningar om jordbruksbedrifta, slik som namn og adresse til søkar og arealfordeling av dei ulike vekstgruppene blei også henta frå Landbruksteljing 2010. Opplysningar om produksjon av bær, frukt og grønsaker på friland, grønsaker, blomster og planter i veksthus samt planteskule blei henta inn på skjema til hagebruksundersøkinga 2010.

Populasjonen i 2010 er basert på alle som var oppgåvepliktige til Landbruksteljing 2010.

SSB overtok hagebruksstaitstikken frå SLF i 2005, og nytta deira register som utgangspunkt for å finne fram til hagebrukspopulasjonen. Alle som var i registeret i 2004 fekk tilsendt skjema i 2005. Til erstatning for jordbruksbedrifter som gjekk ut, blei det henta inn bedrifter med hagebruksproduksjon blant dei som søkte om produksjonstilskott i jordbruket 31. juli. Tilsvarande opplegg blei følgd i perioden 2006-2009. I denne perioden har populasjonen omfatta om lag 3 000 jordbruksbedrifter med ein eller fleire av dei oppgitte vekstgruppene.

Datainnsamling, editering og beregninger

Skjema blir sende ved nyåret i året etter undersøkingsåret til dei jordbruksbedriftene som er med i utvalet. Det er òg mogeleg å svara på undersøkinga over Internett.

Det blir gjort kontrollar og rettingar for å sikre konsistens innan eitt enkelt skjema og mellom skjema og tilgjengelege registeropplysningar.

Avling oppgitt med anna eining enn den som er brukt på skjema blir rekna om etter fastsette faktorar.

Statistikken for 2010 byggjer på ei fullstendig teljing. På nokre skjema mangla opplysningar om totalavling, og for desse vekstane er det sett inn ei totalavling basert på eit gjennomsnitt for einingar med vedkomande vekst og med eit areal i same størrelsesorden.

I perioden 2005-2009 er areal av den einskilde vekst estimert på bakrunn av endringar i arealet frå året før.

Sesongjustering

Ikkje relevant

Konfidensialitet

Tal blir ikkje offentleggjort dersom færre enn tre einingar ligg til grunn for ei celle i tabellen, og dette medfører fare for identifisering, dvs. at talet kan førast tilbake til oppgåvegivar eller annan identifiserbar person.

Samanlikningar over tid og stad

Statistikken for 2010 er direkte samanliknbar med tal for 1999, da statistikken desse åra byggjer på opplysningar gitt i dei fullstendige teljingane.

I perioden 2000-2009 er same berkningsopplegg nytta, og det er areal frå jordbruksteljinga i 1999 som ligg til grunn for berekningsopplegget i denne perioden. Fordi ein kvart år har gjort berekningar på areal som etter kvart er resultat av fleire års berekningar, kan moglege feil bli forsterka. Feil i arealberekningane vil òg påverke berekningane av totalavling. Sjølv om totalavlinga etterkvart er blitt overestimert, gir statistikken likevel eit rimeleg godt bilete av avlinga per dekar.

 

 

Nøyaktigheit og pålitelegheit

Feilkjelder og uvisse

Primærdata kan innehalde feil og manglar. Til dømes kan det vere vanskeleg å gi gode tal for avling av vekstar som kan bli selt i stk eller bunt, til dømes reddik.Ei rekkje av feila blir oppdaga og retta under revisjon. Kontrollopplegget avslører også logiske feil i utfylling av skjema. Nokre målefeil og feil som oppstår ved handsaming av data er uunngåeleg. Det kan vere feil som oppstår ved revisjon, feil i IT-handsaming og anna. Det er utført eit omfattande arbeid for å minske desse feila så mykje som mogleg.

 

Fråfall i undersøkinga skuldast manglande innlevering av oppgåve frå einskilde oppgåvegivarar.

For nokre av vekstane er det få produsentar, og fråfall av produsentar med stort areal kan ha monaleg innverknad på kvaliteten av dei berekna tala.

Det heftar uvisse ved alle utvalsundersøkingar. Generelt blir resultata meir usikre dess færre observasjonar dei er baserte på. Grupper med få observasjonar er særs vare for ekstreme verdiar, det vil si verdiar som avviker mykje frå gjennomsnittet.

 

Kvaliteten på registergrunnlaget for trekking av utvalet har også noko å seie for kvaliteten på det ferdige resultatet.

Modellen for undersøkingane i perioden 2000-2009 er basert på at ein kvart år multipliserar fjorårets berekna areal av dei ulike vekstane med ein faktor. Areala som er utgangspunkt for dei ulike vekstane i denne perioden er areal innhenta frå Jordbruksteljing 1999. Fordi ein kvart år har gjort berekningar på areal som etter kvart er resultat av fleire års berekningar, kan mogelege feil bli forsterka. Feil i arealberekningane vil òg påverke berekningane.

I 2010 er areala i undersøkinga henta frå den fullstendige landbruksteljinga i 2010. Dette gir grunnlag for oppdatering og korreksjon av arealtala, og også høve til å publisere talet på einingar med ulike vekstar. Forskjellen i berekningsmåte gjer at tala for 2010 ikkje er direkte samanliknbare med tala for perioden 2000-2009.

Revisjon

Ikkje relevant

Kontakt

Error occured rendering window "Statistikkside - faktaside inngang" (key 209) while handling request to site path: /0/jord-skog-jakt-og-fiskeri/statistikker/hagebruk/aar?id=1013

Fant du det du lette etter?

Du har slått av Javascript. Du kan sende oss en tilbakemelding på informasjon@ssb.no.

Send e-post til SSB