Færre bedrifter med slaktekylling

Størst prosentvis nedgang var det i talet på bedrifter med slaktekylling og mjølkekyr. Talet på bedrifter med slaktekylling blei redusert med 8 prosent til 600, medan talet på bedrifter med mjølkekyr gjekk ned med 2,5 prosent til 8 300.

• Sjå fleire tal og tabellar i statistikken Husdyrhald

Frå 2016 til 2017 auka det samla talet på storfe med 17 200 til 865 400, og det var talet på ammekyr og andre storfe enn mjølkekyr som gjekk opp. Talet på ammekyr steig med 6 200 til 82 400, medan talet på andre storfe auka med 15 300 til 560 600. I den same perioden gjekk talet på mjølkekyr ned med 4 300 til 222 400.

Talet på sau auka med drygt 3 prosent til 1 129 400 i 2017. Det var om lag 14 500 bedrifter med sau i 2017.

Frå 2016 til 2017 gjekk talet på alssvin ned med knapt 4 prosent til 89 100, medan talet på svin slakta året før auka med 2,5 prosent til 1 607 600. I same perioden gjekk talet på bedrifter med slaktekylling ned med 8 prosent til 600, medan talet på slaktekyllingar slakta auka med 3,5 prosent til 65,5 millionar.